Таҗикстанда җеназа эшенә кагылышлы нигезнамә чыгардылар

Әлеге документта җеназаларны ничек уздыру һәм ничек итеп хәсрәттә булу хакында тәфсилләп язылган. Нигезнамә буенча, җеназага бәйле барлык йолалар, терлек чалмыйча, аш-су тәкъдим ителмичә, үткәрелергә тиеш. Шул исәптән, өчесе, кырыгы һәм елы да.

Хәсрәтле булган вакытта, тынычлану өчен генә елау рөхсәт ителә. Илереп елау, чәчләрен йолку, йөзләрен тырнау һ.б. тыела.

Хатын-кызларга марлядан тегелгән зәңгәр зур яулык, киң күлмәкләр һәм ыштаннар кияргә, яулыкны билгә бәйләргә рөхсәт ителә. Ирләргә зәңгәр төстәге халат, башына түбәтәй кияргә, билен билбау белән буарга кирәк. Халыкның гореф-гадәтләре буенча хәсрәтле вакытта кара төстәге кием кию тыела.

Әлеге нигезнамәдә вафат булган кешегә дога кылу, мәетне җирләргә әзерләү һ.б. турында күрсәтмәләр бирелә дип хәбәр итә Ансар.ру.