НИКАХ КӨНЕ БЕЛӘН КОТЛАУЛАР

Кешегә Ходайдан бүләккә
Гомер бит бер генә бирелә.
Җаннарны мәңгегә кушарлык
Никах та була ул бер генә!

Бербөтен, түгәрәк бәхетне
Югалтмый саклагыз гел бергә.
Сөенеп, сөелеп яшәргә
Кавышкан парлар сез мәңгегә!

Яшьлектә үрелгән ояда
Тынмасын балалар тавышы.
Күкләрдә укылган бу никах
Бәхеткә урасын язмышны.

Не забывай о любви,
Не забывай о своих близких.
Телибез мәңгелек мәхәббәт,
Бәхетнең тулысын, олысын.

Колач тутырып чәчкә җыялмадым
Кыш бит инде, кырда кар тулы,
Никах көнегез белән тәбрик итеп,
Шигырь яздым сезгә бу юлы.

Син минеке мин синеке диеп,
Кавышкансыз булыгыз бергә.
Дошман көенсен, дуслар сөенсен,
Күреп сезне гомергә бергә.

Яратышып, сөеп кавыштыгыз,
Яшәгез гел бергә гомергә.
Тиңләсеннәр сезнең мәхәбәтне
Һич тутыкмый торган тимергә.

Алдыгызда бик зур юллар ята,
Аерылмасын кулыгыздан кул.
Туры булсын, изге булсын иде
Икәүләшеп сез башлаган юл.

Никаз көнегез котлы булсын!

Бүген сезнең язылышкан,
Никахлашкан көнегез,
Тантаналы бу мизгелнең
Кадерләрен белегез!

Бүген дөнья гаҗәп нурлы,
Елмаегыз, көлегез!
Бөтен дөнья бәйрәм итә,
Сезне котлый — күрегез!

Вәгъдәләрне аклап килегез,
Бер-берегезне хөрмәт итегез.
Арагызга кертми ятларны,
Алтын туйга кадәр җитегез!

Өйне ямьләндереп, яңгыратып,
Тәгәрәшеп үссен нәниләр!
Оныкларын сөеп, «җимешләрем» диеп,
Шатлансыннар әти-әниләр.

Әби-бабайлардан калган
Иң изге күркәм йола —
Никахтан соң егет һәм кыз
Ир белән хатын була.

Күктә укылмаса никах,
Кушылмас һичбер йөрәк.
Никах кануннарын үтәп,
Гомер итәргә кирәк.

Язмышлардан юктыр узмыш,
Никах булсын гомерле.
Ходай бүләк итеп бирә
Һәр кешегә гомерне.

Яшьлегегез матур чәчәк атсын,
Бер теләктә хәзер икегез.
Олы никах көнегез белән
Тәбрикләргә рөхсәт итегез.
 

Яшәгез сез пар булып,
Икегез бер җан булып.
Күршеләргә үрнәк гаилә,
Дуслар өчен дан булып.

Кавыштыгыз яшьлек иртәсендә,
Иңне-иңгә куеп аңлашып.
Ерактагы картлык көнегезгә
Барып җитегез сез парлашып.

Кабул булсын сезнең теләгегез,
Эшкә ашсын барлык уегыз.
Шулай бергә-бергә татулыкта
Үтсен сезнең алтын туегыз.

Изге мәхәбәт хисләрен
Вакламыйча саклагыз.
Тормыш дигән олы юлдан
Гел янәшә атлагыз.

Бар гомерегез үтсен шатлык белән,
Юлыгызга гөлләр сибелсен.
Бүген безнең кайнар котлавыбыз
Гомерлеккә шатлык китерсен.

Уйнап җырлап озатабыз сезне
Тукталмагыз юллар чатында.
Насып булсын матур тормыш корып,
Гел чабарга бәхет атында.

Шатлык белән тулып торсын
Сезнең тормыш касәгез.
Ике тармак гөл шикелле,
Гел янәшә яшәгез.

Гайбәт сүзе ишек ачып
Кермәсен өегезгә.
Бетмәс ачу, үпкәләүне
Белмәгез икегез дә.

Яши күрмәгез, бәхетсез
Көнче күбәләк булып.
Ихтирам, Хөрмәт, Мәхәббәт
Торсын түгәрәк булып.

Изге мәхәббәт хисләрен
Вакламыйча саклагыз.
Тормыш дигән олы юлдан
Гел янәшә атлагыз.

Чәчәк атып җимеш бирсен
Мәхәббәт гөлләрегез.
Шатлык белән балкып торсын
Һәрвакыт йөзләрегез.

Күгәрченнәрдәй гөрләшеп
Яшәгез бергә-бергә.
Тату гаилә,
Тыныч хезмәт —
Бездән теләк шул сезгә!

Гаилә кору — зур юлларның башы,
Юлларыгыз һәрчак ак булсын.
Тормышыгыз гөрләп чәчәк атсын,
Чәчкәләре мәңге саф булсын.