Тәкәбберлек!

Роза Хайретдинова

Тәкәбберлек шайтан булып
Керә кеше күңеленә.
Аздыра ул, түбәнсетә
Ирешә теләгенә.

Тәкәбберлек – ул наданлык
Раббыбызга буйсынмау
Аллаһыдан өстен булып
Кешеләрне санламау.

Тәкәбберне, мактанчыкны
Аллаһыбыз да сөйми.
Сакланыгыз бу гадәттән
Ул җәннәткә дә кертми.

Тәкәбберлекнең сыйфатлары
Буладыр төрле – төрле
Нинди генә булсалар да
Тәкәбберлек бик керле.

Кайсы берсе бик бай була
Мохтаҗларга күз салмый.
Алдагы бакый дөньяга
Барасын ул уйламый.

Аллаһы бит карап тормый
Киеме матурына.
Карый ул күңелләрең
Калебнең сафлыгына.