Иман

Язгы гөлемдер – иман,
Ана телемдер – иман,
Иманымны мин онытсам,
Тәүбә, Аллаһы сакласын!
Яшәвемне мин тоймам.

Гүзәл хаукымдыр – иман,
Сөйгән халкымдыр – иман,
Иманымны әгәр бозсам,
Тәүбә, Аллаһы сакласын!
Адәм булырга кыймам.

Тугры юлымдыр – иман,
Йөрәк канымдыр – иман,
Иманымны мин югалтсам,
Тәүбә, Аллаһы сакласын!
Бу җиһанга мин сыймам.

Сер канатымдыр – иман,
Яратуымдыр – иман,
Иманыма кагылсалар,
Тәүбә, Аллаһы сакласын!
Утта янарлар – тыймам.

Туар таңымдыр – иман,
Кайнар җанымдыр – иман,
Иманымны таптасалар,
Тәүбә, Аллаһы сакласын!
Сөякләрен дә җыймам!