Әссәләмүгәләйкүм вә рахмәтуллаһи вә бәракәтух, хөрмәтле дин кардәшләрем!

Барчагызны да Рамазан ае тәмамлану белән котлыйм.

Бу озак көтеп алган ай һәр мөселманга рухи һәм әхлакый чисталык алып килде. Һәм ул бик тиз узып та китте. Раббыбыз безне ураза, догалар, тәравихлар белән шатландырды. Бу Гает бәйрәме дә бәрәкәт, бик күп саваплар китерсен, иманны ныгытсын!

Бу айда Сезнең теләктәшлек, иганә һәм сәдакалар белән аеруча нык итеп мохтаҗларга, сәламәтлеге начарларга, ятимнәргә, ялгыз һәм картайган кешеләргә ярдәм иттек! Рамазан аен тырышлыкта, күп эшләп үткәрү насыйп булды! Аллаһы Тәгалә риялардан итмәсен!

Кадерле Ватаныбыз файдасына киләчәктә дә игелекле гамәлләр кылырга язсын.

Ихтирам белән, “Ярдәм” мәчете имам-хатыйбы, “Ярдәм” фонды Советы рәисе, Казан шәһәре Киров һәм Мәскәү районнары имам-мөхтәсибе Илдар хәзрәт Баязитов.