Кырымда беренче мәдрәсә ачылды

Саки шәһәр мәчете каршында – Кырым өчен беренче мәдрәсә – мөселман “якшәмбе мәктәбе” ачылды. Бу хакта Саки шәһәр советында хәбәр иттеләр.

Хөкүмәттәгеләрнең мәгълүматларына караганда, мәдрәсә базасында имамнар әзерләү планлаштырыла. “Шәһәр мәчете имамы Әмир-Әсән Гомәров исәпләвенчә, Кырым мөселманнарының төп проблемаларыннан берсе булып – төбәкнең барлык мәчетләрендә дә хезмәт куя алырлык дәрәҗәдә яхшы әзерләнгән имамнарның җитәрлек булмавы иде. Хәзер бу мәсьәлә хәл ителде инде”, – дип билгеләп уздылар шәһәр советында.

Хакимияттләгеләрнең хәбәрләре буенча, “якшәмбе мәктәбе” егерме кешегә исәпләнгән. Мәдрәсәдә ике сыйныф (класс): егетләр һәм кызлар өчен аерым. Шулай ук монда методик кабинет (учительская), кухня, ашханә, йокы һәм душ бүлмәләре дә бар. Ягъни, Саки районында яшәүче балалар биредә төн кунарга да кала алалар, дип хәбәр итә “Кырым хәбәрләре” ("Новости Крыма").