Карелия мөфтияте делегациясе колониядә очрашу үткәрде

Карелия делегациясе мөфтияте ике төзәтү колониясендә булган. Бу хакта җәзаларны үтәтү Федераль хезмәте җитәкчелегенең матбугат хезмәте хәбәр итә. Дин әһелләре Петрозаводсктагы ИК-9 һәм Сегеждагы ИК-7 объектларында булган.

“Бүгенге көндә ИК-9 да йөзгә якын ислам динен тотучы тоткын исәпләнә. Алар белән даими рәвештә – аена 3-4 тапкыр очрашулар оештырыла. Биредә дини сораулар күтәрелә, рухи-әхлакый эчтәлектәге лекцияләр укыла”, – дип хәбәр итә матбугат хезмәте. Бу очрашу мөселманнарның фарыз уразалары төгәлләнү уңаеннан үткәрелде, дип җиткерә Карелинформ.

ИК-7 дә мөфтият вәкилләре берничә дистә тоткын белән шәхсән әңгәмә алып барды. Билгеләнеп үтелгәнчә, ислам динен тотучы тоткыннар колония җитәкчелеге тарафыннан да, башка тоткыннардан да бернинди басым, көч сизми. “Мондый очрашулар тоткыннарны рухи-әхлакый яктан тәрбияләргә ярдәм итә. Колония җитәкчелеге мондый чараларны оештырырга һәрчак ярдәм итеп тора”, – дип белдерде Карелия мөселманнары Диния нәзарәте җитәкчесе, мөфти, шәех Висам Али Бардвил.