100 000 мең мөселман яшәгән Миланда бер мәчет тә юк

Италиянең Милан шәһәрендә әлегә бер мәчет тә юк. Бүгенге көнне бу шәһәрдә Африка дәүләтләреннән килгән 100 000 артык мөселман яши. Менә ничә ел инде алар мәчет төзү өчен дәүләт тарафыннан рөхсәт көтә икән. Әмма, Төньяк Лига үтә уң партиясе көчле булуы, шулай ук ислмофобиянең үсеше мәчет төзелешенә ирек бирми.

Билгеле булганча, күптән түгел, шәһәр католиклары мөселманнарның хокукларын яклап чыкты. "Мөселманнарның да үз диннәре кушканча гыйбадәт кылырга, мәчет төзергә хаклары бар. Хокук дин иреклеген бирергә тиеш", - дип кисәтте Кардинал Дионидңи Теттаманөи "La Repubblica" каналына әңгамә биргән чагында.

Моңа карамастан, шәһәр мэры ярдәмчесе Риккардо Де Коратто сүзләренчә, мәчетләр төзү шәһәрнең планнарына керми. Шулай ук мөселманнарның күбесе, аның фикеренчә, төрле радикал агымнар белән дә бәйле.