1 октябрьдә Камал театрында сезон ачылышы

1 октябрьдә Галиәсгар Камал исемендәге татар дәүләт академия театры янә ишекләрен ача. Яңа сезон “Яшь йөрәкләр” спектакле белән башланып китәчәк. Октябрь аенда театр сөючеләр “41нең арбалы хатыннары”, “Курчак туе”, “Диләфрүз – Remake”, “Люстра”, “Алты кызга бер кияү”, “Бәби”, “Зөбәйдә - адәм баласы”, “Кара чикмән”, “Мылтык”, “Гөргөри кияүләре”, “Дивана” спектакльләрен тамаша кыла алачак. Быел Камал сәхнәсендә ике премьера көтелә:

- Мольерның “Тартюф” әсәрен Париж режиссеры Николя Струве куя, Салават Юзеевның “Дача сезоны” пьесасын Камал театры артисты Радик Бариев сәхнәләштерәчәк (бу аның режиссура өлкәсендә беренче эше). Бу хакта тетрның матбугат хезмәте җиткерә.