14 сентябрьдә Зөлхия Сероджовага һөҗүм ясалу буенча суд эше карала

14 сентябрьдә Татарстанның Чирмешән районы судында Әмир авылы гражданкасы Зөлхия Сероджовага 31 августта ясалган һөҗүм буенча суд эше каралачак. Зөлхия сүзләренчә, бүгенге көнне аңа һәм аның гайләсенә басым ясала. Аның ихатасында төнлә кемдер йөри, көндезен исә аның ике казын, биш тавыгын үтереп чыгалар. Зөлхиянең һәм Нәсибәнең балалары өйдән дә чыгарга куркалар.

Зөлхия белдергәнчә, гражданин Таһир Гомәров үзен бик кыю тота. Ул авылда, минем милиция хәзмәткәрләре арасында, район газетасы редакциясендә дусларым,туганарым күп дип масаеп йөрүен дәвам итә.”Мин барыбер бу күп балалы мөселман хатын-кызларына көн бирмәячәкмен”,- дип йөри. Исегезгә төшереп үтәбез, 31 августта Әмир авылында 38 яшьлек Зөлхия Сероҗевага хөҗүм итү булган иде. Алган каты баш мие җәрәхәтләреннән соң, Зөлхия ханымның күзләре начарлана. Россия мөселманнары бу вакыйганы күзәтеп тора. Әгәр дә суд карары белән килешеп бетмәүләр булса, эш кабаттан кассация тәртибендә каралачак.