Путин мөселманнарны Ураза бәйрәме белән котлады

Россиянең премьер-министры Владими Путин Россиянең Азия өлеше мөфтие Нәфигулла хәзрәт Ашировка ураза бәйрәме белән котлап телеграмма җибәрде.

«Сезне якынлашып килүче, рамазан аеның тәмамлануын белдерүче ураза бәйрәме белнә котлыйм. Ураза бәйрәм – беренче чиратта, ураза вакытында рухи халәтебезнең үсешенә йомгак ясау ул», - диелә анда.

Путинның сүзләренә караганда, Россиядә мөселманнарның дини тормышлары аларның иҗтимагый карашлары белән өлешчә тәңгәл килә. Дини нәзарәтләре исә гражданлык җәмгыятенең үсеше буенча фикер алышалар.

“Россиядә ислам диненең әхлакый потенциалы бик кирәк. Илдә ислам уку йортларын төзү дәвам итә, ә алар исә дөньяви уку йортлары белән дә элемтәгә керәләр”, - диде Россия хөкүмәтенең башлыгы. “Якты бәйрәмдә сезгә, туганнарыгызга, якыннарыгызга сәламәтлек һәм уңышлар телим”, - дип котлады ул.