Мөселман киносына 20 гаризаның 9ы кабул ителде

Мөселман киносына 20 гаризаның 9ы кабул ителде. Бу былтыргы белнә чагыштырганда 4 тапкыр артыграк. “Тулы метражлы уен киносы” номинациясендә Юрий Фетингның “Бибинур”ы катнашыр, кыска метражлы фильм буенча Илдар Ягъфәровның “Брелок” киносы, “Уен булмаган кино” номинациясендә Азат Ганиевның “Сәйдәш”, Людмила Усованың “Город-побратим” кинолары катнашачак.

“Сәйдәш” киносында сүз Салих Сәйдәшевның тормыш юлы һәм иҗаты турында бара. “Город-побратим” – фәлсәфи-документаль кино. Казан белән кечкенә Болгар каласы Шуменны нәрсә бәйли соң? Шуның хакта сүз бара.

«Анимация» номинациясендә 5 кино катнашыр: Сергей Ромашкинның “Зилант”, Сергей Киатровның “Шаян укучы”, Марат Ганиевның “Кисекбаш”, Сергей Киатровның “Малай һәм күбәләк” һәм “Эштән беткәч уйнарга ярый”.

“Зилант” киносында сүз Зилант исемле аҗдаһа хакында сүз бара. “Кисекбаш” мультфильмы Габдулла Тукайның “Печән базары яһүд яңа кисекбаш” поэмасы буенча төзелгән.

Калган 3 мультфильм да Габдулла Тукайның шигырьләре буенча төшерелгән. Ул киноларда Г. Камал исемендәге театр артислары уйнадылар.