80% ярдәм Пакыстандагы су басу аркасында авыр хәлдә калган кешеләргә ирешми

Ислам Конференциясе оешмасының Генераль сәркатибе Экмелетдин Ихсаноглы белдерүенчә, мөселман илләре, оешмалары һәм кешеләр Пакыстанга 1 млрд доллар акча җибәрергә дип сүз биргәннәр. Ул су басу аркасында авыр хәлдә калган кешеләр өчен кирәк.

Күп кенә илләр ярдәм бирү турында игълан иткәннәр. Ләкин мөселман дөньясына карата финансларның аз булдылар дип тәнкыйть сүзләре яңгырады. Шуңа күрә ИКО җитәкчесе Пакыстанга 1 млрд күләмендә ярдәм кирергә кирәклеге хакында әйткән.

Ярдәм Согуд Гарәбстаныннан, Төркиядән, Күвәйттән, БГӘдән, Катардан килде. “Алар иң мөһим ярдәм чыганагы булдылар”, - диде Ихсаноглы Пакыстанның тышкы эшләр министрына.

Пакыстанның премьер-министры Гилани Пакыстан хөкүмәтеннән ярдәм аз булуы хакында тәнкыйть сүзләрен белдерде. Гиланиның сүзләренә караганда, 80 % ярдәм тиешле урынга барып җитми. Бу хәбәрне «ArabNews». җиткерә. Шул вакытта Иранның рухи лидеры Йосыф Реза Хамнеи мөселманнарга Пакыстан халкына ярдәм итәргә чакырды. Моның хакта шәхси leader.ir сайты әйтә. Миллионлаган мөселман кардәшләргә ярдәм итәргә кирәклеге хакында әйтелә анда. “Без бу илгә ярдәм итәргә ашыгырга тиешбез”,- ди ул.