Үткән чәршәмбедә Мисыр мөселманнары утсыз авыз ачты

Үткән чәршәмбе көнне Мисыр мөселманнары авыз ачуны утсыз үткәрде. Шулай итеп, алар үзенчәлекле һәм романтик ифтар уздырды, дип белдерә Los Angeles Times газетасы. Наср,Маади һәм Нарам шәһәрләрендә, шулай ук кичке 6 дан башлап 9 тиклем ут булмады. Бу хөкүмәтнең энергия запасларын саклап калуның бер чарасы итеп аңларга була.

"Еш энергия өзелеп торуда хөкүмәт гел безне генә гаепләргә тиеш түгел, бүген ул безнең алдыбызда бурычлы", - дип саный  энергия холдингы җитәкчесе Мохамед Аскалани. Мисыр дәүләтенең халык саны арта барганга күрә энергия мәсъәләсе бик кискен тора. 

Бу карарга каршы килүчеләр Каһирә шәһәренә илтүче төп юлны каплаганнар. "Дәүләт эшлеклеләре бу мәсъәләне берничек тә хәл итми, үзегез карагыз дип әйтәләр", - дип зарлана ризасызлык белдерүченең берсе.

Шул уңайдан Мисыр Президенты Хөсни Мөбәрәк энергия министры Хәсән Юнисны һәм Petroleum компаниясе җитәкчесе Заме Фәманы үзенә чакыртты. Ике министырлык арасындагы булган бәхәсләр юкка чыгарга тиеш дип аңлатты.