Ислам хокукы буенча инглиз телендә китап дөнья күрде

Голландиядә Роттердам Ислам университеты ректоры Әхмәт Акгөндезнең «Ислам хокукына кереш (Ислам хокукының гамәли һәм нәзари нигезләре)»  («Introduction to Islamic Law (Islamic Law in Theory and Practice)») дигән китабы дөнья күрде. Китап инглиз телендә.

Әлеге басма махсус дини сериянең беренче китабы булып тора. Алга таба «Ислам хокугы принциплары», «Ачык ислам хокукы» һәм «Шәхси мөселман хокукы» дип аталган басмалар укучыга тәкъдим ителәчәк. 

Яңа китап 8 бүлектән тора. Бүлекләрдә ислам хокукы, фикһ мәсьәләләре төрле яклап яктыртыла. Һәр бүлекнең ахырында инглиз телендә дини китаплар исемлеге дә бирелә. Әлеге китап инде хәзер үк укучыларда зур кызыксыну уяткан, дип хәбәр итә Haberkultur.net сайты.