Төньяк-Кавказда бердәм Ислам университеты булырга мөмкин

Карачай-Черкес Республикасының Домбай курортында үткән Россия яшьләренең «Бергә яхшырак!» Каваз форумында катнашучылар Төньяк-Кавказ федераль округында бердәм Ислам университеты булдыру тәкъдиме белән чыкты. «REGNUM» мәгълүмат агентлыгы хәбәр итүенчә, бу тәкъдим «Россия яшьләренең мәгълүмати-идеологик һәм рухи куркынычсызлыгы» секциясе эшчәнлеге кысаларында яңгыраган. Мөселман уку йортын Пятигорски шәһәрендә ачарга һәм аңа дәүләт аккредитациясе алырга кирәк, дигән нәтиҗәгә килә яшьләр.

Россиянең төрле төбәкләрендә яшәүче мөселманнарны берләштерү өчен нинидидер уртак әйбер булдыру идеясе яңа түгел. 2009 елда бөтенроссия ислам телевизион каналын булдыру тәкъдиме кертелгән иде. Россиядәге мөселман Диния нәзарәтләренең башлыклары белән очрашуда бу тәкъдимне Президент Дмитрий Медведев та хуплаган иде. Әмма белгечләр бу мәсьәләне тикшерергә тотынгач, проектны тормышка ашыруны чикли торган факторлар килеп чыкты. Төп каршылык - Россиянең төрле төбәкләрендә төрле мәзхәбтәге мөселманнар яшәү. Бу очракта бердәм мәгълүмати кыр булдыру катлаулырак, дигән нәтиҗәгә килә белгечләр.

Мөселман уку йортын ачу шулай ук илодәге мөселманнарны берләштерү максатыннан эшләнә. Әмма бу уңайдан Төньяк Кавказ руханилары әлегә берни дә әйтмәде.