Россия туристлары Мисырны яулый

Агымдагы елның алты аенда Россия туристлары Мисыр курортларыннан кайтып кермәгән. Быел Пирамидалар иленә Россия туристлары агымы 70 %ка арткан. Нәтиҗәдә, ярты ел эчендә 1 миллион 437 мең кеше Мисырны күреп кайткан. Бу саннарны Россия туристлык операторлары берләшмәсе хәбәр итә.

Үткән алты ай россиялеләр Мисыр кунакханәләрендә үткәргән төннәр исәбе буенча да тарихка кереп калган. Безнекеләр Мисыр кунакханәләрендә 13 миллион 300 төн үткәргән. Бу соңгы елларда иң зур күрсәткеч. Ватандашларыбыз Мисырга гадәттә уртача 9 көнгә килә икән. Бу үткән ел белән чагыштырганда 8%ка кимрәк.

Россиядән 141 мең турист июнь аенда Пирамида күрергә дип юлга кузгалган. Үткән ел белән чагыштырганда бу 38,3%ка күбрәк, дип хәбәр итә РИА «Новости».