«Актуаль ислам»ны - Интернеттан

«Татарстан - Яңа Гасыр» каналында чыга башлаган «Актуаль ислам» тапшыруын каналның сайтыннан да карау мөмкинлеге булдырылды. Аны сайтның рус телендәге беренче битендә карарга мөмкин.

«Актуальный Ислам» рус телендә һәр җомга көннәрендә ислам дине турында сөйләүче тапшыру. Биредә ислам дине кануннары турында һәм дини традицияләр белән якыннанрак танышырга мөмкин. Әйтик, тамашачылар ислам буенча хатын-кыз ничек киенергә тиеш, балага исем ничек кушыла, мөселманнарча исәнләшүнең мәгънәсе нәрсәдә кебек сорауларга җавап ала алачак. Тапшыруны Татарстан мөселманнары Диния нәзарәте Галимнәр шурасы рәисе, Россия ислам университеты проректоры Рөстәм Батыров алып бара.

«Актуаль ислам»ны җомга көннәрендә «Хәерле иртә!» тапшыруыннан соң (якынча 7 сәгать 45 минутта), ә кабатлау чыгарылышын якшәмбе көнне 15 сәгать 50 минутта карагыз.

Элемтәгә керү өчен телефон: (843) 570-50-26, E-mail: islamaktual@mail.ru