Депутатлар тартучыларга сюрприз әзерли

РФ Дәүләт Думасы тартучыларны тагын да киметергә җыена. Депутатлар машинада тартуны пассажирларга да тыярга җыена. «Тәмәке тартуны чикләү турындагы» законга тиешле төзәтмәләр кертү турындагы тәкъдим Дәүләт Думасына кертелде.

Яңа төзәтмәләр кертелгән очракта машина йөртүчегә генә түгел, ә салонда кечкенә бала булган очракта, пассажирларга да тәмәке тарту тыелачак. Әлеге шартны бозган очракта, 500-700 сум күләмендә штраф салу каралган.

Шулай ук күп яруслы машина кую урыннарында һәм трасса тирәсендәге ял мәйданнарында да тарту өчен махсус урыннар билгеләү тәкъдиме бар. Төзәтмәләр кабул ителгән очракта, башка кешеләргә уңайсызлык тудырмас өчен шул урыннарда гына тарту рөхсәт ителәчәк.