Кулъязмаларны - электрон каталогка

Этномәдәни белем үсеше фәнни-белем бирү үзәге Татар дәүләт гуманитар-педагогика университетының фундаменталь китапханәсе белән берлектә гарәп графикалы басмалар һәм кулъязмаларның электрон каталогын эшли башлаган. Бу католог «ИРБИС 64.7» автоматлашкан китапханә-мәгълүмати системасы нигезендә булдырылачак.

ТДГПУ китапханәсенең чит тел әдәбияты фонды гарәп графикалы басма һәм кулъязма җыелмаларга бай. Гарәп графикалы фондка татар, гарәп, төрек, фарсы, әзербәйҗан, үзбәк, уйгур телләрендәге XVII - ХХ гасыр башы кулъязма китаплары һәм периодик басмалары кергән. Фондның төп өлешен уку, белешмә, фәнни һәм матур әдәбият тәшкил итә.

Моңа кадәр бөтен фонд китапханәнең традицион карточкалы каталогында чагылыш тапкан. Чит тел әдәбияте фондында 700гә якын гарәп графикалы китап саклана икән. Бүгенгә 400гә якын китап эшкәтелгән инде, дип хәбәр итә «Интертат».