Хәләл ризыкка нинди таләпләр куела?

Мин үземнең аркадашым белән зур булмаган хайван чалу һәм ит эшкәртү пункты ачмакчы булам. Хәзерге вакытта планлаштыру һәм проектны раслау эшләре алып барыла. Баштан ук

БӘЙЛЕ
2011 Июл 12

Мин үземнең аркадашым белән зур булмаган хайван чалу һәм ит эшкәртү пункты ачмакчы булам. Хәзерге вакытта планлаштыру һәм проектны раслау эшләре алып барыла. Баштан ук һәммәсен дә дөрес итеп башкарасы килә. Без инде голландлар, французлар тарафыннан тәкъдим ителгән электр белән үтерү һәм кыру машиналарын сүндердек. Әмма «хәләл»нең мәгънәсе төрлечә... Казах картлары аны бер төрле аңлата, муллалар-башкача, сертификат таләпләре-өченче төрле. Киңәш бирсәгезче. Хәләл ризыкка нинди таләпләр куела? Суела торган хайванның башына географик яктан юнәлеш биреләме? Ерик, Казахстан

Таләпләргә килгәндә, сезгә хәләл ризык җитештерү белән шөгыльләнүче оешмаларның махсус әдәбиятын һәм документларын өйрәнергә кирәк. Дөрес, аермалар булырга мөмкин. Аларда төрле аңлатмалар да булуы ихтимал. Шуларны өйрәнеп, сез үзегезгә иң кулай вариантны сайлап алырга тиешсез. Биредә иң мөһиме- Раббыбызның исемен искә алып, хайван муенындагы төп артерияләрне кисү. Терлек башының юнәлеше алай ук мәҗбүри дә түгел.

Монда Аллаһ рөхсәт биргән нәрсәләр -хәләл, тыйганнары хәрам дигән мәсләктән чыгып эш итү мәслихәт. Ә тыелган ризыкларга -үләксә ите, кан, дуңгыз ите, Аллаһ исеме белән чалынмаган терлек, буып яисә башка хайван тарафыннан үтерелгән, югары вольтлы электр тогы белән һәлак ителгән, бәрелеп һәм егылып үлгән хайван ите керә. Ерткыч җәнлекләрне (бүре, юлбарыс, арыслан һәм башкалар) һәм ерткыч кошларны (лачын, карчыга, бөркет һ. б.), эт, ишәк һәм качыр итләрен куллану шулай ук тыела. Мөселманча чалынган хайванның гениталиеләрен, эчке секреция бизләрен, үт һәм бәвел куыгын ризык итеп кулланырга ярамый.

Мөселманнарга ите ризык буларак тәкъдим ителгән терлекне төрле дин һәм милләт вәкилләре дә чалырга мөмкин. Шунысы бар: мөселман булмаган кеше дә хайванның муен артерияләрен кискәндә «Бисмилләһ, Аллаһу әкбәр» сүзләрен әйтергә тиеш.

Җавапларны Мәскәүдәге Мемориаль мәчете имамы Шамил хәзрәт ГАЛӘВЕТДИН әзерләде.


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе