Петербург Җәмигъ мәчете манарасы ташлары коелды

Петербург шәһәре Җәмигъ мәчете манарасын тышлаган берничә таш җимерелеп төште. Тулаем алганда, манара үзе исән. Петербург шәһәре мәчете 1910 елда төзелә.

Рәсми белдерүләргә карасак, 40-50 килолы ташлар килеп төшкән. Аллага шөкер, беркемгә дә зыян килмәгән. Хәзер мәчеттә җимерелүне тикшерү бара.

Әлеге тарихи мәчетне төзү 1910 елда ахун Гатаулла Баязитов җитәкчелегендә башлана. Мәчет Бохара әмире Сәид-Абдул-Әхәт хан һәм татар байлары хисабына салына. Гыйбадәт йорты 1913 елда - Романовларның Русиядә идарә итүләренә 300 ел тулганда ачыла. Анда Бохара әмирләре дә катнаша. Бохара әмирләре ярдәмендә төзелгәнгә, мәчет Сәмәркандр һәм Каир архитектура үрнәгендә эшләнә.

Мәчет 1927-1930, 1940-1956 елларда эшләми. 1956 елда мәчет халыкка кайтарыла.

Җәмигъ мәчетендә имам-хатыйб булып Петербург һәм өлкә мөфтие Җәгъфәр Пончаев тора.

Тимер Сәгыйтов