Мисырдагы Татарстан студентларына куркыныч янамый

Мисырдагы Татарстан студентларына куркыныч янамый. Бу хакта ТҖ Мәгариф һәм фән министрлыгының матбугат хезмәтендә хәбәр иттеләр.

Министрлыкның мәгълүматына караганда, Каһирәдәге һәм Айн Әл-Шәмстәге университетларда Татарстаннан барган 30 студент белем ала. Аларның һәммәсе дә Татарстан Хөкүмәтенең «Алгарыш» программасы нигезендә Мисырдагы югары уку йортларында гарәп телен өйрәнүчеләр.

31 гыйварда Мисырда белем алучы Татарстан студентлары телефоннан шалтыратып, бу илдәге чуалышлар нәтиҗәсендә дәресләр бирү туктатылса да, ризыклар белән проблема юк, аларга куркыныч янамый. Бары тик шәкертләргә тулай торактан чыкмаска тәкъдим иткәннәр.

Билгеле булганча, Мисырның башкаласында «Миллионнар маршы» дигән ризасызлык белдерү чарасы уза. Анда катнашучылар Мисыр Президенты Хөсни Мөбарәкнең үз вазифаларыннан китүен таләп итәләр.

Хәзерге вакытта исә ил җитәкчеләре үзләре дә аларга каршы чаралар уздыра башладылар. БМОдан алынган мәгълүматларга караганда, 25 гыйнварда башланган чуалышларда 300дән артык кеше һәлак булган, 3 меңнән күбрәк инсан яраланган, дип хәбәр итә www.tatar-inform.ru агентлыгы.