Казанда метрополитенның “Кәҗә бистәсе” дигән җиденче станциясе ачылды

Казан метрополитенының җиденче станциясе үзенең 16 нчы гасыр кешеләренә үк таныш «Кәҗә бистәсе» дигән тарихи исемен алды.

Яңа станцияне файдалануга тапшыргач, Казан метросының озынлыгы 11 чакрымга җитте. Хәзергә «Кәҗә бистәсе» тест тикшерүе режимында эшли. 3 көн буена составлар сәгатенә 20 км тизлектә йөри, аннары ул сәгатенә 35 чакрымга кадәр артачак.

Белгечләр фикеренчә, яңа станция ачылганнан соң, Казан метрополитенында йөрүчеләрнең саны икеләтә артачак һәм 100 меңгә җитәчәк. Поездлар арасындагы вакыт интервалы да 8 минутка кадәр кыскартылыр, дип көтелә. «Без башка станцияләрне төзүне дәвам итәчәкбез»,-дип белдерде журналистларга «Казметрострой» оешмасы җитәкчесе Марат Рәхимов.

Бүгенге көндә 3 яңа станцияне — »Завод», «Мәскәү», «Декабристлар»ны төзү эшләре башланды.

«Кәҗә бистәсе»нең ачылу тантанасында Татарстан Президенты Рөстәм Миңнеханов, Казан мэры Илсур Метшин катнашты, дип хәбәр итә ИА REGNUM агентлыгы.