«Нәсихәт” Ислам тернәкләндерү үзәге 1 ел эчендә 18 кешене әфьюнгә бәйлелектән

«Нәсихәт» Ислам тернәкләндерү үзәге 1 ел эчендә 18 кешене әфьюнгә бәйлелектән коткарды, дип хәбәр итте «Башинформ» агентлыгына бу үзәкне оештыручы Нурмөхәммәт Нуриев.

«Бездә ел буена элек әфьюн һәм хәмергә бәйлелеккә тәшкән 100 кеше тернәкләндерү узды. Шуларның 30ы сазлыкка кире төшмәс, чөнки алар туры юлга басты. Ул затлар гаиләләренә әйләнеп кайтты, эшкә урнашты. Бу-безнең өчен зур нәтиҗә. Калганнар белән элемтәдә торабыз һәм игътибар белән аларны күзәтәбез. Безнең үзәк укучылары хәзер филиалда- республиканың Салават районында социаль җайлашу уза. Хәзерге вакытта без яңа төркем җыю эше белән мәшгуль»,-диде Н. Нуриев.

«Нәсихәт» Ислам тернәкләндерү үзәге Уфаның Калинин районындагы Максимовка бистәсендә урнашкан. Анда хәмерне һәм наркотик матдәләрне тыючы, кешеләр арасында җылы мөнәсәбәтләр урнаштыручы ислам диненә басым ясала. Бу үзәк медицина дәвалау курслары узганнарны гына кабул итә, дип хәбәр бирә «Башинформ» агентлыгы.