Пензада “Хәдис” дигән яңа проект барлыкка килде

Пензада Мөхәммәд Пәйгамбәрнең (с. г. в.) әйткән сүзләрен СМС хәбәре итеп түләүсез җибәрә торган «Хәдис» проекты эшләтеп җибәрелде. Ул Пенза өлкәсе Каменка шәһәре мөселманнары дини оешмасы тарафыннан башкарылды.

«Ислам в Каменке» сайты хәбәр иткәнчә, өлкә мөселманнары хәзер көн саен кәрәзле телефоннан Пәйгамбәрнең хәдисләрен укый ала. Биредә +79374388318 телефонына мөрәҗәгать итеп, ике көнгә намаз вакытларын белеп була.

«Хәдис» хезмәтенә ирешү өчен -«хадис», намаз вакытын белү өчен «намаз» дигән сүз язып, СМС хәбәре җибәрү дә җитә.

Бу хезмәт барлык кәрәзле элемтә абонентлары өчен дә түләүсез, дип ышандыра аны оештыручылар.