Юныска тагын сезнең ярдәм кирәк

Без мөселманнардан торган Салиховлар гаиләсенә килгән кайгы-хәсрәт турында элек тә язган идек инде. Аларның улы Юныс ашказаны-эчәк авыруы белән чирләде. Россия табиблары аны дәвалый алмады. Казанның балалар инфекциясе хастаханәсендә озак рәвештә дәвалануга карамастан, моның нәтиҗәсе күренмәде. Республика балалар клиникасы хастаханәсендә дә аңа булыша алмагач, Мәскәү белгечләренә мөрәҗәгать итәргә дигән карар кабул ителде. Әмма Россия Медицина фәннәре академиясенең балалар сәламәтлеге фәнни үзәгенең гастроэнтерология һәм гепатология бүлегендә дә табиблар балага ярдәм итә алмадылар.

Яңа елның гыйнваренда алар дәвалану өчен Түбән Новгородка барырга тиешләр иде. Ни кызганыч, Түбән Новгородтан да аларга яхшы хәбәр килмәде.

Хәзер исә бердәнбер өмет -Германиянең Мюнхен каласындагы клиникада. Германиядән аларга өметле җавап килде: мондый авыруны алар дәвалый ала икән. 1 атна вакыт эчендә Юнысны аякка бастырырга мөмкиннәр. Тик моның өчен 12 мең евро акча кирәк. Гаилә бюджетының моңа көче җитми. Чит ил табиблары гаиләнең Мәскәүдән Германиягә очудагы һәм виза эшләүдәге мәсьәләләрен хәл итәчәк. Зәриягә һәм аның иренә тиз арада чит ил паспорты ясату сорала. Аларның проблемасын хәл итәргә булышучылар табылса, Зәриягә 89172 99 40 92 телефоны белән шалтырата ала.