РИУ студентлары В.Путин белән очрашуга бара

РИУ студентлары В.Путин белән очрашуга бара

16 декабрьдә Мәскәүдә Россия төбәкләрендә яшәүчеләрнең РФ Хөкүмәте рәисе Владимир Путин белән очрашуы була. Аңа 220 кеше чакырулы.
В.Путинның моннан алда Татарстанга кылган сәфәрен исәпкә алып, РФ хөкүмәте Администрациясе Казандагы Россия Ислам университеты студентларының да анда катнашуына теләк белдергән. Бу җыенда РИУның 10 студенты катнашыр, дип көтелә.

Кичә РИУның ашханәсендә хезмәткәрләр, студентлар һәм теләге булган һәркем өчен изге җирләрдән кайткан Зәм-Зәм суыннан авыз итү мәҗлесе үткәрелде.
Бу югары уку йортының сайтыннан алынган мәгълүматларга караганда, быел РИУдан 9 хезмәткәр хаҗ кылган. Алар Согуд Гарәбстанында вакытта ук мөгаллимнәргә һәм студентларга бәйрәм ясарга, дип ният кылганнар иде. Һәм алар, Аллага шөкер,  үзләренең әманәтен үтәделәр.