Мәскәү Ислам университеты үзенең китапларын тәкъдим итә

2 декабрьдә кичке 17 сәгатьтә «Илаһият гыйлемендә мөгаллимнәрнең белем дәрәҗәсен күтәрүдә һәм хәзерге заман технологияләрен өйрәнүдә халыкара тәҗрибә» дигән III халыкара фәнни-гамәли конференция кысаларында Мәскәү Ислам университеты нәшер иткән китапларны тәкъдим итү үткәрелә.

Бу чара вакытында китапларның авторлары, шулай ук укучылар үзләренең фикерләре, аңлатмалары белән чыгыш ясар, дип көтелә. Биредә мондый исемдәге китаплар: Мостафа Чагрыджының «Основы мусульманской этики»,«Исламоведение: Пособие для преподователя»,«Ислам.Краткое изложение биографии Пророка Мухаммада, истории Корана и хадисов, вероучения и обрядов поклонения» (авторы-Эльмира Кулиева),«Основы Тафсира. История Корана и Тафсира. Коранические науки»(Марат Мортазин), «Арабский язык корановедения. Пособие для изучающих арабский язык»(Владимир Лебедев),«Абу Ханифа.Трактаты по вероучению.Акида» (Рөстәм Батров) һәм «Вестник МИУ» тәкъдим ителәчәк.