Браильчә-Рәхмәт хаты

30 ноябрьдә Казандагы «Сөләйман» мәчете каршындагы күзләре күрмәүчеләрнең тернәкләндерү үзәгендә бер ай буена ислам динен өйрәнгән сукырлар һәм бераз күрүчеләрнең чираттагы курслары тәмамлану уңаеннан тантаналы кичә була. Әлеге курсларның үзенчәлеге шуннан гыйбарәт: шәкертләр Илдар хәзрәт Баязитовка үзләренең җылы хисләрен Брайль системасында язылган Рәхмәт хаты рәвешендә белдергәннәр.

Анда мондый юллар бар:«Мөхтәрәм Илдар хәзрәт. Төркемебездәге һәрбер кеше исеменнән безне җылы кабул иткәнегез, яхшы шартлар тудырганыгыз өчен Сезгә олуг рәхмәтләребезне белдерәбез. Без биредә киләчәк тормышыбызда кирәкле була торган файдалыгыйлем алдык.Без дини белемгә зур мохтаҗлык кичерә идек. Сезгә ныклы сәламәтлек һәм «Сөләйман» мәчетенең чәчәк атуын телибез».

Бу юлы Казанга Татарстан,Башкортстан,Чечняның төрле шәһәрләреннән, Идел буеның башка республикаларыннан һәм өлкәләреннән килгән мөслимәләр белем алды. Алар Браиль системасы буенча Коръән укырга, урында дөрес йөрү кагыйдәләрен өйрәнде, компьюторда эшләүне үзләштерде.