РИУда танылган ислам галимнәре белән очрашулар дәвам итә

РИУда ислам дине мәдәнияте һәм тарихы буенча квалификацияне күтәрү буенча курс кысаларында танылган галимнәр белән очрашулар дәвам итә. Шулай итеп, 11-12 нче ноябрьдә курсларны тыңлаучылар илебезнең әйдәп баручы ислам хокукы тикшерүчесе, хокук белгече, юридик фәннәр докторы, Югары икътисад мәктәбенең чагыштырма хокук белеме һәм хокук теориясе кафедрасы (Мәскәү шәһәре) профессоры Леонида Рудольфович Сюкиняйнен «Ислам хокукы: дини һәм юридик башлангычлар мөнәсәбәте, чыганаклар, принциплар, хәзерге дөньяда аның роле» («Исламское право: соотношение религиозных и юридических начал, источники, принципы, роль в современном мире») дигән темага лекцияләр курсы укыды.

Леонид Рудольфович сүзләренә караганда, шәригатькә карау мөһим, ислам хокукына объектив карарга, аның уңай якларын бәяләргә кирәк. «Бу минем өчен зур канәгатьлек һәм шул ук вакытта ислам уку йортлары укытучылары алдында зур җаваплылык», — дип билгеләп үтте ул.

Лекция барышында тыңлаучыларга фикх, шәригать һәм ислам хокукы арасында нинди аермалыклар һәм үзенчәлекләр барлыгы турында да сөйләделәр, дип хәбәр итә университетның матбугат хезмәте.