Владикавказда узган “түгәрәк өстәл”дә яшьләрнең экстремизмга мөнәсәбәте турынд

Владикавказда (РДДТ) «Осетия яшьләре террорга һәм экстремизмга каршы» («Молодежь Осетии против терроризма и экстремизма») дип исемләнгән «түгәрәк өстәл» узды, дип хәбәр итә Төньяк Осетия–Алания Республикасының Фән һәм мәгариф министрлыгы.

Дискуссиядә балалар һәм яшьләр оешмалары активистлары, Владикавказ шәһәренең югары сыйныф укучылары, һөнәри (профессиональ) училище, югары уку йорты (вуз) студентлары, педагоглар, мәгариф учреждениеләренең психологлары, башкарма хакимият органы вәкилләре, Төньяк Осетия–Алания Республикасының көч структуралары, республиканың православ чиркәү һәм мөселман Диния нәзарәте вәкилләре катнашты.

«Түгәрәк өстәл»дә аеруча зур игътибар яшьләр проблемаларына, аларның террорга һәм экстремизмга булган мөнәсәбәтенә юнәлтелде.

Республиканың куркынычсызлыгын тәэмин итүгә караган бик күп тәкъдим-теләкләр яңгырады, алар яшьләр арасындагы негатив күренешләрне бетерүгә, милли һәм дини экстремизмны профилактикалауга кагылышлы иде.