“Ислам – христиан диненең дошманы түгел”, – ди француз имамы

Ислам христиан диненең дошманы түгел. Бу хакта Париж Җәмигъ мәчетенең имамы һәм Франциянең рухи лидерларының берсе Дәлил Бубакер белдерде.

«Багдад соборында якшәмбе көнне кич белән Гыйрак христианнары үтерелүне без коточкыч хәл дип кабул итәбез, аларны кызганабыз, вафат булучыларның гаиләләренә дога кылабыз», — Гыйрак башкаласының христиан храмнарының берсендә булган террорчылар хәрәкәтенә аңлатма биреп, шулай дип белдерде имам.

Француз имамы исәпләвенчә, хәзерге заман мөселманнары «ислам дәүләтләрендә яшәүче христианнарга каршы юнәлтелгән мондый канлы террорчылык хәрәкәтләренә кушылып китеп, сугышырга тиеш түгелләр».

«Әлеге фанатикларның максаты бары тик дини төрлелек, христианнар һәм мөселманнар арасында дошманлык тудыруга гына кайтып кала», — дип ассызыклады Бубакер.

Исегезгә төшерәбез, «әл-Каида» тарафдарлары якшәмбе көнне Багдадтагы Богородиц чиркәвен чолгап алдылар һәм «заложник»ларны үтерү белән янадылар. Алар арасында священниклар, хатын-кызлар һәм балалар бар иде. Һөҗүм вакытында Сейидның ан-Наҗа католик соборында барлыгы йөздән артык кеше бар иде, дип хәбәр итә Росбалт.