Музейда Казан шәһәренең мәктәп балалары өчен Корбан бәйрәменә багышланган дәрес 

Ислам мәдәнияте музеенда “Россия мәдәни киңлегендә татар һәм мөселман халыклары традицияләре” («Мусульманские и татарские народные традиции в культурном пространстве России») мәдәни-мәгариф циклы кысаларыннан 9-13 ноябрь көннәрендә Казан шәһәренең мәктәп балалары өчен Корбан бәйрәме уңае белән “Пәйгамбәребез төше” («Сон пророка») дип исемләнгән мавыктыргыч музей дәресе үткәреләчәк.  

Оештыручылар сүзләренә караганда, музей кунакларны үзенең матурлыгы, гүзәллеге һәм зиннәтле, кызыклы экспонатлары белән таң калдырачак.

“Сез дөньяның башка бер җирендә дә бер үк вакытта Европаның иң күркәм мәчетендә, Ислам мәдәнияте музеенда була, матур азан тавышын ишетә һәм башка бик күп нәрсәләр турында белә алмыйсыз! Безгә – “Пәйгамбәребез төше” исемле интерактив дәрескә килеп сез тарихыбызның төп геройлары урынында булып караячаксыз, сез үзегез үк төш күрәчәксез, музей предметларын эзләячәксез, биналарның макетларын үз кулларыгыз белән эшләячәксез, “җырлаучы шамаил” күрәчәксез!” – дип билгеләп үтә алар.