Собянин эшләгәндә Мәскәүнең һәрбер округында да мәчет калкып чыгар, дип өметлә

Россия Мөфтиләр шурасының фәнни-иҗтимагый комитеты рәисе Фәрит Әсәдуллин башкаланың яңа мэры булып Сергей Собянин торганда Мәскәүнең һәрбер округында да тиз арада мәчет төзелеше проектлары барлыкка килер, дип өметләнә.

Мәскәүнең һәрбер округында да мәчет төзелеше проектлары Юрий Лужков вакытында ук “градостроительный план”га кертелгән була.

“Шуңа игътибар юнәлтергә телим, “градостроительный план”га элеккеге мэр вакытында ук бер позиция салынган иде – анда яшәүче мөселманнар саныннан чыгып, мәчет һәрбер префектурада да булырга тиеш. Иң мөһиме, әлеге идеяне реализацияләү өчен дөрес юлны табу. Бу эш буенча без Собянинга зур өметләр баглыйбыз”, – дип белдерде Әсәдуллин дүшәмбе көнне динара хезмәттәшлеккә багышланган Россия Федерациясенең Җәмәгать палатасы утырышында.   

Аның сүзләренчә, төзелеш мәсьәләсен Мәскәүнең “күпмилләтле составы мәнфәгатьләрен истә тотып, тиз арада хәл итәргә кирәк”. “Бу Мәскәү хакимияте интересларында... Бу позиция гомумшәһәр мәнфәгатьләрен чагылдыра”, – дип китерә РИА Новости Әсәдуллин сүзләрен.

Аның сүзләренчә, Мәскәүдә ике миллионга якын мөселман яши, әмма шулай булуга да карамастан, шәһәрдә бары тик биш мәчет кенә төзелгән.