80 процент россияле исәпләвенчә, илдә ришвәтчелек күрсәткечләре югары булып кала бирә

«Общественное мнение» фонды үткәргән соңгы сораштыру нәтиҗәләре буенча, безнең илебез гражданнарының 80 проценты исәпләвенчә, илдә коррупция югары. Бары тик 1 проценты гына башка төрле уйлый.

Хәл бар җирдә дә чаң кагарлык булып тоела, әмма иң зур тынгысызлыкны Үзәк һәм Төньяк Көнбатыш федераль округлары (85%) тудыра. Икенче полюста – Ерак Көнчыгыш һәм Идел буе, биредә барлык сораштырылучыларның 63 %ы ришвәтчелекнең югары күрсәткечен билгели. Динамикадагы күрсәткечләр шулай ук күңелсез. Бары 8 % халык уйлавынча гына бу начар күренеш бетүгә бара (болай дип уйлаучылар нигездә Уралда яши). 36 % респондент исә ул артуга таба бара, дип ышана, 41 % халык фикеренчә, бу уңайдан бернинди дә үзгәреш юк. Һәм киләчәкне дә кешеләр яхшыга юрамыйлар. 27 % кеше фикеренчә, бер елдан коррупция тагын да катырак үсәчәк кенә, 40 % – ничек бар, шулай калачак, ди, ә нибары 7 % кына бу яман “чир” китәчәк, дип уйлый.