Казанда Туфан Миңнуллинның 75 яшьлек юбилее уңаеннан фестиваль бара

14 октябрьдән 23енә кадәр Г. Камал исемендәге Татар дәүләт академия театрында һәм К. Тинчурин исемендәге Татар дәүләт драма һәм комедия театрында РФ һәм ТРның атказанган сәнгать эшлеклесе, М. Җәлил исемендәге республика, К. Станиславский исемендәге РСФСР, Г. Тукай исемендәге Дәүләт Премияләре иясе, ТРның халык язучысы Туфан Абдулла улы Миңнуллинның 75 яшьлек юбилеена багышланган театр фестивале уза. Әлеге чарада Татарстан, Башкортстан, Мари Эль республикалары, Оренбург өлкәсе театр коллективлары катнаша.   

Фестиваль 23 октябрьдә юбилей кичәсе белән төгәлләнәчәк. Анда Г. Камал исемендәге Татар дәүләт академия театры, М. Гафури исемендәге Башкорт дәүләт драма театры, ТР фольклор музыкасы Дәүләт ансамбле артистлары, “Бөрмәнчек” керәшен Дәүләт фольклор ансамбле, халыкара конкурслар лауреаты Филүс Каһиров һ. б. катнашачак.