Мордовия мөфтие: Россия мөселманнарын гарәпләштерү бара

Мордовия мөфтие Фәһим Шәфиев исәпләвенчә, Россия мөселманнарын гарәпләштерү бара. Аның фикеренчә, бу Россия мөселманнарын гомумиләштүгә юнәлтелгән, уйлап эшләнелгән пропаганда.   

“Аларның әхлагы гасыр нормаларыннан, россиялеләрнең традицияләре һәм мораленнән, беренче чиратта, Россиянең мөселман өлешеннән шактый аерыла”, – дип белдерде мөфти «Интерфакс-Религия»гә биргән интервьюсында.  

Әлеге вәгазьчеләр мөселманнарның изге урыннары саналган Мәккә белән Мәдинә шәһәреннән киләләр. Шуңа күрә Россия мөселманары аларны “чып-чын мөселманнар”, дип уйлыйлар, шуңа ышаналар.

“Яңа мөселманнар” исламның беренче бишеге саналган һәм мөселманнар өчен изге исәпләнгән урыннарның  рухи кыйммәтләренә юнәлүләрен белдерәләр, ә чынлыкта исә «Даешь чистоту веры!» шигаре (лозунгы) астында мөселманнарны гарәпләштерү процессын үстерү ята”, – ди Шәфиев.

Шәфиев фикеренчә, бу мөселманнарны гомумиләштерү һәм аларның рухи тормышларын дестабилизацияләү өчен уйлап табылган пропаганда җимеше.  

“Россия мөселманнарына каршы агрессив дини сугыш алып барыла”, – дип ассызыклады ул.