Идрис пәйгамбәрнең тарихы

Адәм галәйһиссәламнең балалары күбәеп, алар арасында изге-салихлары һәм хаклыктан еракла­шып, Аллаһны онытып иблискә иярүчеләре дә бул­ды. Аллап тәгалә Идрис галәйһиссәламне адашкан­нарны туры юлга чакырыр өчен, кешеләр арасыннан пәйгамбәр итеп сайлады.

Аллап тәгалә Коръәндә болай диде (мәгънәсе): «Янә Коръәннән Идрис галәйһиссәламне сөйлә, хакыйкатьтә, ул гаять хакны сөйләүче иде һәм пәйгамбәр булды. Вә Без аны югары урынга күтәрдек. Алар шулардыр — кемнәргә Аллап нигъмәт кылды, Адәм балаларыннан булган вә Нух белән коткарылган, шулай ук Ибраһим вә Ис-раиль балаларыннан булган пәйгамбәрләр һәм Без сайлаган вә туры юлга күндергәннәр. Әгәр аларга Коръән аятьләре укылса, сәҗдәгә китәләр вә елыйлар». (Мәръям: 56 — 58)

Аллап аны мактап вә дөреслекне генә сөйләүче кеше итеп һәм пәйгамбәр итеп сыйфатлады.

Идрис Ш Адәм һәм Шис галәйһиссәламнәрдән соң килүче пәйгамбәр иде. Ибен Исхак исемле галим аны иң беренче каләм белән язуны башлаучы һәм ул Адәм галәйһиссәламнең тормышыннан 308 елын күрде, дип әйтеп узды.

Коръәндә: «Без аны югары урынга күтәрдек», — дигәне, ул пәйгамбәребезнең Ш Исра вә Мигъраҗ кичәсендә Идрис Ш белән күкнең дүртенче катын­да очрашуыдыр. Аңарга без сөекле пәйгамбәребез Мөхәммәдиең Ш тарихында тукталырбыз.

Тәфсир галимнәре әйтүенчә, аның хакында бик күп хикәяләр бар, әмма аларның дөреслеге билге­ле түгел. Шуның өчен дә балалар, без ул хикәяләргә тукталып тормыйбыз һәм Идрис галәйһиссәлам ха­кындагы кыйссабызны шушында тәмамлыйбыз.