Ветераннар учагында ниләр бар?

Кемне иманнан ләззәт табуы шатландыра, шул икенче берәүне Аллаһ хакы өчен хөрмәт итсен.
Хәдис

Казанда Татарстан Республикасы Сәламәтлек саклау министрлыгының “Сугыш ветераннары госпитале” бар. Анда күп ветераннар үзләренең сәламәтлеген ныгыта. Тик бүгенге көндә аларның саны кимегәннән-кими, сирәгәя. Аларның дәвамчылары – сугыш чоры балалары.

Хезмәт ветераннарының да хәле җиңел, димәс идем. Арылган, талынган, әмма бераз яшисе килә бит, ди алар.

Аллага шөкер, мондый госпиталь булу күпләрне куандыра. Биредә төрле юнәлештәге авыруларны дәвалыйлар. Үзем дә йөрәгемә хәл алып чыктым шунда. Табиблар-табибәләр, шәфкать туташлары авыруга нык ихласлылык белән ярдәм итә биредә. Миләүшә Сәхаповага, Лилия Фоат кызына, оператив бүлек җитәкчесе Рәйсә Җәләлиевага, тайган, сынган сөякләрне дәвалаучы Владислав Пантелеевка, шәфкать туташлары Гүзәл Минсафинага, Чулпан Мөхәммәтдиновага, Йолдыз Миңлебаевага, Гүзәл Абзаловага, Марина Филипповага сугыш һәм хезмәт ветераннарының рәхмәте зурдан.

Без дә Җиңүнең 70 еллыгын каршылаганда, госпиталь җитәкчелегенә олы рәхмәтебезне белдерәбез һәм бәйрәм белән котлап, рәхим-шәфкатьлелек телибез.
Әлмира ҺӘДИЯ, җәмәгать эшлеклесе