Гамәлгә ашар теләк

Дин дәресләренең бүген
Юбилейлы бәйрәме.
Назлы кояш аны котлап,
Юллый нурлар бәйләме.

Әлһәмдүлилләһи, бик шөкер:
Ирештек тиеш юлга.
Илләр имин, тыныч булсын,
Җитешсен изге дога.

Саваплы да, җаваплы да:
Кулларда – Коръән-Кәрим.
Нечкәртә күңел хисләрен
Укыгач, “Әлиф ләм-мим”.

Мәрхәмәтле һәм хөрмәтле
Калыйк Аллаһ каршында.
Олуг дәрәҗәләр юллап,
Тормышлар барышында.

Йөрәккә ялкын көчен
Дини дәресләр бирә.
“Фатиха”, “Фәләкъ», «Ихлас”
Укып, җан тынгы күрә.

Биш вакыт төзек мәчеттән
Мөэзин азан әйтә.
Бөек халкым, милләтемә
Иман рухын көчәйтә.

“Дини дәресләр” уянды,
Изге Раббым язганга.
Мөгаллимә, мөслимәләр
Бәхеткә юл ярганга.

Дөньяга — муллык, иминлек,
Аллаһтан сорыйк теләп.
Кул күтәреп дога кылгач,
Ашар гамәлгә теләк.

Наҗия ШАГАЕВА,
Сембер каласы, Чынлы районы
19. 09.2015 ел