“Болгар” фонды инвалидлар декадасын башлады

“Болгар” фонды инвалидлар декадасын башлады

БӘЙЛЕ
2012 Дек 05
Декабрь аенда инвалидларга багышланган хәйрия акцияләре еш уза. “Болгар” хәйрия фонды рәисе Фәрит Мифтахов та декада уңаеннан, Саба районындагы картлар һәм авыру балалар йортында булып, ярдәм биреп кайтты.

Дәүләт Советы депутаты Фәрит Мифтахов Татарстанда олы йөрәкле хәйрияче буларак билгеле. Ул балалар йортларына, инвалидларга һәрдаим ярдәм күрсәтә. Авыру хәлен авыру гына аңлый, Фәрит әфәндегә дә Аллаһы Тәгалә сынау биргән. Сынауларны күп күргәнгә, ул ятим, баласыз карт-корыга, әти-әнисез авыру балаларга ярдәм итәргә тырыша.

Фәрит Мифтаховның Саба районына визиты хакимият башлыгы Рәис Миңнеханов һәм “Саба дулкыннары” радиосы чакыруы белән оештырылган. Фәрит Мифтахов район башлыгы белән күрешеп сөйләште, үз акчасына чыгарган Габдулла Кариев һәм Татарстан мәчетләре китабын бүләк итте.

Инвалидлар декадасы уңаеннан, Мифтахов Лесхоз бистәсендә урнашкан картлар йортында булды. Җылы сүз – җан азыгы диләр бит, карт-коры, инвалидлар аңа кунакка килгәне өчен зур рәхмәт әйтте. 83 кеше тәрбияләнгән картлар йортына Фәрит Мифтахов 30 мең сум акчалата ярдәм бирде.

Шулай ук Югары Отар авылында урнашкан авыру балалар йортында булды. Биредә акылга зәгыйфь 103 бала тәрбияләнә. Фәрит Мифтахов җитәкләгән “Болгар” хәйрия фонда декабрь дәвамында инвалидлар өчен төрле чаралар оештырырга җыена.

Тимер Сәгыйтов

avatar
2 Казан татары • 21:29, 2012 Дек 05
Татар шундый булырга тиеш! Эфэрин!
avatar
1 Ислам • 20:55, 2012 Дек 05
Молодец.
Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе