Израиль блокаданы йомшартырга булды

Газа тирәсендәге шау-шу әлегәчә тынмый. Мәсьәләгә дөнья җәмәгатьчелеге дә мөнәсәбәт күрсәтә башлады. Европа берлегенең

БӘЙЛЕ
2010 Июн 17

Газа тирәсендәге шау-шу әлегәчә тынмый. Мәсьәләгә дөнья җәмәгатьчелеге дә мөнәсәбәт күрсәтә башлады. Европа берлегенең тышкы эшләр һәм саклык сәясәте буенча вәкиле Кэтрин Эштон бәйсез тикшерү үткәрергә кирәклеге турында әйтә. Тикшерү нәтиҗәләре Палестина халкын да, Израильне һәм Төркияне дә канәгатьләндерергә тиеш.

Эштон әйтүенчә, Газадагы вазгыятькә тыныч кына карап булмый. Чөнки Израиль палестиналыларга мәктәпләрне, хастаханәләрне төзекләндерү өчен төзелеш материаллары да кертергә бирми. Гуманитар ярдәм буларак аерым продуктлар кертелсә дә, ит кертелми. Палестиналыларның хәлен җиңеләйтү өчен иң элек гуманитар ярдәм кертүгә чикләүләрне юк итәргә кирәк, ди Эштон. Бу мәсьәләне хәл итү максатыннан якын арада Газага Европарламент комиссиясе киләчәк.

Ул арада Газа халкына ярдәм итү өчен икенче «Азатлык флотилиясе» оештырыла. IHH фонды президенты Бюллент Йилдырым әйтүенчә, 6 корабтан торган флотилия блокаданы тулысынча бетерү өчен көрәшәчәк. Флотилиянең гаделлек өчен көрәш алып баруын күрсәтү өчен фонд журналистларны йөкне тикшереп карарга чакырган.

Әлеге белдерүдән соң Израиль рәсми рәвештә блокаданы йомшарту турында хәбәр итте. Хәзер Газага барлык төр ашамлыклар да кертергә рөхсәт ителә. Ләкин әлегә төзелеш материалларын кертү буенча чикләү бетерелмәгән. Бүгеннән Газага 150 төрдәге товар кертергә мөмкин. Блокадага кадәр анда 4000нән артык төр товар кертергә мөмкин иде.


Комментарийны калдырыгыз
avatar

Янв 13
Янв 09
Ноя 22
Окт 12
Сен 12
Сен 06
Сен 06
Сен 02
Авг 29
Июл 05
Июн 21
Май 24
Май 20
Май 19
Май 19
Май 14
Май 14
Май 13
Май 12
Май 12

40 тартма
Дин
Мәкаләләр


Вакыйга

Әңгәмәләр
© 2009-2024 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе