Искәндәр Исхаков Бахрейнда узган стажировка турында

Билгеле булганча Россия югары уку йортларының укытучылары Бахрейн патшалыгында ислам банкы эшенең практикасы буенча өч атналык курсларын үтеп стажировкаларын тәмамладылар. Специалистлар уңышлы гына Россиягә

БӘЙЛЕ
2011 Мар 23

Билгеле булганча Россия югары уку йортларының укытучылары Бахрейн патшалыгында ислам банкы эшенең практикасы буенча өч атналык курсларын үтеп стажировкаларын тәмамладылар.

33,63 KbСпециалистлар уңышлы гына Россиягә кайттылар. Шул делегациядә катнашкан Россиянең ислам экономика һәм финанслар үзәгенең (Казан) укытучысы Искәндәр Исхаков www.islamic-finance.ru редакциясенә кичерешләрен сөйләп үтте.

-Искәндәр әфәнде, сезнең турыдан-туры Ислам банкларының эш принциплары белән танышырга мөмкинчелегегез булды. Димәк үзегезнең студентларыгызга бу хакта күпне сөйли аласыз?

-Әлбәттә, иң файдалысы һәм уңышлысы ул тәҗрибә белән бүлешү, чөнки бу тәҗрибә ислам банкингы буенча беренче урында торган илдә алынды. Шулай итеп мин укыту эше белән беррәттән россия шартларында ислам финансларын (ТНВ «Юмарт-Финанс») кулланам аннан соң шул эшләргә нигезләнеп студентларга белемнәремне җиткерәм.

Гомүмән барып кайту аралыгында без 4 иң зур Бахрейн ислам банклары белән таныштык (Al Baraka Bank, Ar Capita Bank, Venture Capital Bank, Arab Banking Corporation), аларның һәрберсе үзенә күрә үзенчәлекле. Al Baraka Banking Group- доньяның 12 илендә таралган, ислам банклары арасында иң зур челтәрле банк. Ar Capita Bank глобаль масштабларда туры инвестицияләрнең иң зур фонды булып тора.

Аның офислары Манама һәм Сингапур шәһәрләрендә урнашкан. Venture Capital Bank шулай ук туры инвестицияләр моделе буенча доньяның күп кенә ислам илләрендә финанслау эшләрен алып бара. Аның үзенчәлеге шунда ки, ул кече һәм уртак бизнесны үстерүдә булышлык күрсәтә һәм бу өлкәдә зур гына уңышларга ирешкән. Arab Banking Corporation — ислам банкларына «ликвидность» белән идарә итү буенча хезмәтләрен тәкъдим итә. Бу банкларның тәҗрибәсе зур кызыксыну уята, фәнни һәм бизнес берләшмәләренә бик файдалы булыр дип уйлыйм.

- Стажировка үтү дәверендә сез ислам рейтинг агентлыгы (IIRA) белән дә танышкансыз. Ул ничек эшли?

- IIRA ике төрле рейтинг тәкъдим итә: кредит һәм шәригать. Кредит рейтингы ислам финанс институтларына гына тәкдим ителә. Шәригать рейтингы — финанс институтның Шәригатькә ни дәрәҗәдә туры килү-килмәвенә, шәригать киңәшмәсенең хезмәткә яраклылыгына, хәзерлек дәрәҗәсенә, шәригать аудитының куелу системасына, ислам банкында ислам этикасының куллану дәрәҗәсенә карап бирелгән рейтинг. Минем уйлавымча, ислам финанслар тармагының үсеше өчен бу бик мөһим эш, тик моңа бик зур мәгърифәтчелек эшчәнлеге юлдаш булырга тиеш, чөнки клиентлар бу рейтингның мәгьнәсен әлегә ахырына хәтле аңлап бетермәскә мөмкин.

Өстәвенә без Ислам банклары һәм Финанс Институтлары буенча булган Үзәк Мәслихәттә (CIBAFI) дә булып кайттык. Бу Үзәк тармакны информацион һәм фәнни яктан әйдәп бара, шулай ук Ислам Финанс Институтларында Барлау һәм Аудит Оештырыруны (AAOIFI) да гамәлгә ашыра.


Комментарийны калдырыгыз
avatar

Июл 01
Июн 25
Июн 17
Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе