Җәннәттәге кайбер нигъмәтләр

Аллаһ илчесе әйтә: “Туба аяклары тузанга баткан Аллаһ юлында ат дилбегәсен тотучы бәндәгә”. Туба – ул җәннәттәге агач. Пәйгамбәребез (с.г.в.) әйтә: “Туба

БӘЙЛЕ
2010 Сен 10

Аллаһ илчесе әйтә: “Туба аяклары тузанга баткан Аллаһ юлында ат дилбегәсен тотучы бәндәгә”.

Туба – ул җәннәттәге агач. Пәйгамбәребез (с.г.в.) әйтә: “Туба мине күреп иман китерүче бәндәгә. Туба, тагын туба, тагын туба – мине күрмичә дә иман китерүче бәндәгә”.

Беркөнне Мөхәммәттән (с.г.в.) сорадылар: “Нәрсә ул туба?” Ул: “100 ел озынлыгындагы җәннәттәге агач,” – дип җавап бирде. Мөслим хәдисендә исә: “Туба агачының күләгәсендә атлы 100 ел чаба һәм ул бетми,” – дип китерелә.

Аның чәчәкләре җәймә кебек, яфраклары аба шикелле, ботаклары амбра кебек. Ул үскән туфрак та ислемай шикелле. Аның тамырыннан сөт, бал, шәрап (исертми торган) елгалары ага.

Җәннәткә кергән бәндәләр җыелгач, Раббыларыннан фәрештәләр килер, алар алтын дилбегәле атлар белән килерләр. Ул атларның матурлыгы яктылык чыганагы кебек. Утыргычлары һәм башка әйберләре дә күңелгә хуш килеп, балкып торырлар. Алар килеп җиткәч, фәрештәләр җәннәт әһелләренә болай дип әйтерләр: “Сезнең Раббыгыз безне сезнең арттан җибәрде, ә сез Аның янына барыгыз да сәламләгез”. Алар атларга утыралар, ул атлар кошлардан да тизрәк һәм урын-җиргә караганда да җайлырак. Атка атланган бәндә кардәше белән рәхәтләнеп сөйләшеп барырлар.

Алар Рәхимле Аллаһ янына килеп җиткәч, Ул пәрдәләрен сала, һәм алар Аңа карарлар. Аны күргәч: “Я Аллаһ, Син һәрбер кимчелектән пакъ һәм Синнән тынычлык кына килеп тора”. Аллаһы Тәгалә аларга болаһ дип әйтә: “Әйе. Мин һәрбер кимчелектән пакъ һәм Миннән тынычлык кына килеп тора. Сез Минем рәхмәтемә һәм мәхәббәтемә ирештегез. Рәхим итегез, Минем колларым. Сез, Мине күрмәсәгез дә, Миннән курыктыгыз һәм буйсындыгыз”. Бәндәләр әйтә: “Без Сиңа тиешле дәрәҗәдә коллык күрсәтмәгәнбез икән. Хөрмәтебез дә җитеп бетмәгән икән. Хәзер Синең каршыңда сәҗдә кылыйк әле”. Әмма Аллаһ әйтә: “Дөрестән дә, бу авыр хезмәт һәм табыныр өчен яратылмаган, бу – рәхәтлек дөньясы. Мин сезне гыйбадәт кылу хезмәтеннән азат иттем. Миннән нәрсә телисез, шуны сорагыз, һәрбер мондагы бәндә үз теләгәнен алыр”. Шуларның берсе болай дип сорар: “Я Раббым, Җир әһелләре байлык өчен бер-берләре белән ярышалар иде. Ләкин һәрвакытта да аларга аз тоелды. Җирдә булган һәрнәрсәне миңа бир”. Аллаһ әйтә: “Син бүген теләкләреңне бик чикләдең. Бик аз сорадың. Минем бүләкләр саран түгелләр”. Соңрак: “Аларның акылларына да килмәгән әйберләрне күрсәтегез,” – дип әйтер.

Аларга шундый нигъмәтләр күрсәтелер, хәтта бүтән теләкләре дә калмас. Аларга аргамаклар да күрсәтелер. Дүртесенең берсендә ятак урын да булыр. Аларда шатер да бар. Аларда зур җәймәләр бар. Шуларның һәрберсендә дә кара күзле икешәр матур кыз бар. Кызларның һәрберсендә дә икешәр оҗмах җәймәсе. Алардан тәмле ис килеп тора. Йөзләренең нурлары шатердан да чыгып китә. Бу кызлар бу бәндәне башкалардан кояш таштан өстенрәк кебек шулай өстен күрерләр. Җәннәт бәндәсе алар янына килеп кергәч, тегеләр аны сәламлиләр, үбәләр, кочаклыйлар. Соңрак Аллаһ оҗмах әһелләрен рәт буенча тезә дә һәм һәрберсе дә үзенең тиешле урынына бара. Әгәр кайвакытта бәла-казалар, дөнья мәшәкатьләре булгалый икән, моңа борчылырга кирәкми, чөнки җәннәт боларга лаеклы.

Рөстәм ХАҖИЕВ


Комментарийны калдырыгыз
avatar

Июл 29
Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2020 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе