Адвокат Рөстәм Вәлиуллин мәетен таптылар

Алтайның Катунь елгасында мөселманнарны яклаучы адвокат Рөстәм Вәлиуллинның гәүдәсе табылды. Адвокат Алтайның таулы елгасында 25 июньдә батып үлгән.

Хокук яклаучы Рөстәм Вәлиуллин Алтайга Кош-Агач авылы имамнарын якларга барган. Кош-Агач имамнары эше белән танышкач, Вәлуиллин башка төбәк мөселманнарына ярдәм итәргә барырга җыенган була. Ләкин 25 июньдә елгада су коенганда батып үлә.

Фаҗига килеп чыккан урынга Рөстәм Вәлиуллинның әнисе Гөлсинә апа белән хатыны Эльза ханым килгән. Мәрхүмнең 2, 5, 8, 10 яшьлек Әдилә, Мансур, Сәлим һәм Мәрьям исемле дүрт баласы калган.

Рөстәм Вәлиуллинның гәүдәсе ял көнне Манҗероктан 20 чакрым ераклыкта табып алынган. Кош-Агач авылы мөселманнары табылган гәүдәне Вәлиуллин дип әйтсә дә, моны Алтай МЧСы расламый. Җомга көнне Кош-агач мөселманнары мәрхүмнең гаиләсенә ярдәм җыйган.

Ире һәлак булган Эльза Вәлиуллинаның "Сбербанк" счетына акча күчереп, аңа һәркем ярдәм итә ала.

Валиуллина Эльза Равилевна
Специализированный дополнительный офис № 8618/087
Банк получателя: Филиал ОАО "Сбербанка России" Западно-Уральский Банк
БИК: 049401601
Кор. счет: 30101810400000000601
счет № 40817810368001512075

Сүз уңаеннан, Рөстәм Вәлиуллин исемендәге Русия мөселман хокук яклау үзәген төзү фикерләре әйтелә. Үзәк эшенә һәр мәчет ярдәм итәргә тиеш, чөнки мөселман китапларын тыю һәркемгә кагыла, диелә.

Александр Долгов