"Саматов укулары"н уздыру вакыты үзгәрде

Баштарак укулар 26 нчы октябрьдә уздырыла, дип хәбәр ителгән иде.

Габделхак хәзрәт Саматов (1930-2009) XX гасыр ахыры - XXI гасыр башы күренекле дин әһелләренең берсе, күп сандагы дини китаплар авторы, нәзарәтнең беренче казые. Ул - татар халкының инкыйлабка кадәрге чордагы бай дини мирасын тудыручы дин әһелләренең дәвамчысы.

“Саматов укулары” Габделхак хәзрәтнең мирасын барлау, эшчәнлеген өйрәнү һәм традицион ислам кыйммәтләрен ачу максатыннан оештырыла. Чара кысаларында күркәм дини – милли эшчәнлек алып баруы белән аерылып торган шәхесләргә Г.Саматов исемендәге “Рухи мирас” премиясе тапшырыла.

Конференция эшендә теологлар, галимнәр, Татарстанның һәм Россиянең мөселман зыялылары катнаша, дип хәбәр итә мөфтиятнең матбугат хезмәте.