Туфан Миңнуллин вафат булды

2 май көнне хастаханәдә 76 яшендә драматург, язучы, Татарстан Дәүләт Советы депутаты, "Сәхнә" журналы редакторы, Тукай бүләге лауреаты Туфан Абдулла улы Миңнуллин вафат булды.

Туфан Миңнуллин 1935 елның 25 августында Татарстанның Кама Тамагы районы Олы Мәрәтхуҗа авылында туа. 1956-1961 елларда Мәскәүдә Щепкин исемендәге Театр училищесында укый.

Аның театр җәмәгатьчелеге тарафыннан аеруча зур танылу алган пьесалары – “Без бит авыл малае”, “Үзебез сайлаган язмыш”, “ Әниләр һәм бәбиләр”, “Без китәбез, сез каласыз”, “ Хушыгыз”, “Канкай угылы Бәхтияр”, “ Диләфрүзгә дүрт кияү”, “ Әлдермештән Әлмәндәр”, “ Илгизәр +Вера”, “Җанкисәккәем” һ.б.

Туфан Миңнуллин белән хушлашу 3 майда Г.Камал исемендәге театр бинасында узачак.
Хушлашу иртәнге сәгать тугызда башлана.

Александр Долгов