Петербурда берничә йөз мөселман тоткарланды

Русия иминлек көчләре Петербурда яшерен радикаль ислам төркеме төзүдә шикләнелгән 300 кешене тоткарлавын белдерә.

БӘЙЛЕ
2013 Фев 09
Россия иминлек көчләре Петербурда яшерен радикаль ислам төркеме төзүдә шикләнелгән 300 кешене тоткарлавын белдерә. Башка чыганаклар әйтүенчә, тоткарланганнар күбрәк.

Россия иминлек көчләре Петербурның "Апраксин двор" сәүдә үзәгендә берничә йөз кешене тоткарлады. ФСБ 300-ләп мөселманны тоткарлавын белдерсә, кайбер чыганаклар хәтта 700 кешенең тоткарлануын хәбәр итә. ФСБның Петербур шәһәре һәм Ленинград өлкәсе бүлеге матбугат хезмәте башлыгы Дмитрий Кочетков әйтүенчә, радикаль дини төркемгә каршы оештырылган чарада тоткарланганнарның 250 ләбе шәһәр полициясенең экстремизмга каршы үзәгенә, егермеләп мөселман Тикшерү комитетына ябылган.

ФСБ өлкәдә яшерен рәвештә эш итүче радикаль төркем оештырылган, дип белдерә. Бу төркемгә бәйле дип шикләнелгәннәрне тоткарлаулар, төрле тентүләр әле таңга кадәра кадәр дәвам итәргә мөмкин.

Сәүдә үзәгенә килгән берничә йөз иминлек хезмәткәре Петербур таҗиклары җәмгыяте башлыгы Абдурахман Акилов җитәкчелегендәге мәчеткә намаз вакытында бәреп кереп мөселманнарны автозакларга төяп алып киткән.

Тикшерү комитеты 205 нче һәм 282 нче маддәләр нигезендә, "җәмәгатьчелек алдында террор гамәлләренә чакыру яки террор гамәлләрен аклау" һәм "нәфрәт яки дошманлык уяту, шулай ук кешелек дәрәҗәсен мыскыллау" гаепләүләре белән җинаять эшләре ачкан.

Фонтанка.ру хәбәр итүченчә, тоткарлаулар турында карар ФСБ һәм Тикшерү комитетында чыгарылган һәм иминлек көчләре кичкә таба сәүдә үзәгенә бәреп кергән. ФСБ ның үз хезмәткәрләре генә җитмәү сәбәпле, аларга ярдәмгә эчке эшләр министрлыгы хезмәткәрләре дә чакырылган.

Мөселманнарны яшерен рәвештә экстремистик басмалар чыгарып таратуда, Мисырда "Гарәп язы" инкыйлабы нәтиҗәсендә хакимияткә килгән "Мөселман кардәшләр" фиркасе белән бәйләнешләрдә торуда, читтән килгән мөселман җитәкчеләренең Россиядә ярамаган вәгазьләрләрен оештыруда гаеплиләр.

Россия тикшерү комитетының Петербур бүлеге белдерүенчә, тоткарланганнарның берсе – чыгышы белән Кабарда-Балкар республикасыннан булган 24 яшьлек Мурат Сабашев интернетта экстремистик язмалар һәм террор гамәлләрен сурәтләүче видеолар таратуда шикләнелә.

Чыганак: "Азатлык.орг"

Комментарийны калдырыгыз
avatar

Авг 13
Авг 08
Авг 02
Июл 16
Июл 03
Июн 27
Май 22
Май 18
Май 17
Май 14
Май 14
Май 07
Май 01
Апр 19
Апр 12
Апр 11
Фев 14
Фев 05
Янв 15
Дек 26

40 тартма
Дин
Мәкаләләр


Вакыйга

Май 07

Май 10

Фев 09

Янв 11

Янв 06

Әңгәмәләр
© 2009-2021 "Татар Ислам" мәгълүмат агентлыгы
Сайтка куелган язмаларга барлык хокуклар «Ислам info» медиа-төркеменә карый. Материаллардан файдаланганда гиперсылтама ясау мәҗбүри. Массакүләм мәгълүмат чарасын теркәү турындагы таныклыгы: ИА № ФС-77-45782 13. 07 2011 ел. Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) тарафыннан бирелгән. Урнаштырылган материал 18+. т.8 927 242 35 78
Сайтлар ясау һәм сайт белән идарә итү — «Ариф» студиясе