Бүген Монтреда Халыкара җыен башлана

Бүген Швейцариянең Монтре каласында Сүрия мәсьәләсе буенча Халыкара конференция үткәрелә. "Женева-2» дип аталган җыенда катнашу өчен инде 10 илгә чакыру җибәрелгән. Аларның һәммәсе дә чакыруны кабул иткән.

"ИНТЕРФАКС” тан алынган хәбәрләргә караганда, БМОның генераль секретаре Пан Ги Мун Иранга да конференциядә катнашу өчен чакыру юллаган. Бу илнең Эчке эшләр министрлыгы башлыгы Җәвәд Зариф әлеге җыенда Иранның позитив һәм конструктив роль уйнаячагы хакында белдергән.

Әмма Сүриядәге оппозиция, әгәр Иран бу җыенда катнашса, үзләренең аңа бармаячагы турында белдерде. Шуңа күрә Пан Ги Мун уйга калган. Алай гына да түгел, хәтта Иранга бу җыенга килмәскә тәкъдим иткән. Инде Иран җыенга килмәскә булган.

"ИТАР-ТАСС”тан алынган хәбәрләргә караганда, кичә Монтреда РФнең чит илләр эше буенча министры Сергей Лавров белән АКШның дәүләт секретаре Джон Керри арасында ике яклы очрашу булды. Бу юлы С. Лавров Керрига бүрек алып килмәгәнлеге хакында белдерде. Алдагы очрашуда С. Лавров үзенең коллегасына бүрек бүләк иткән иде. Ә ул аңа Айдахо штатыннан булган ике бәрәңге бирде.